Ég held að ég sé loksins búin að jafna mig á þynnku helgarinnar, sérstaklega í ljósi þess að marr fékk sér einn öllara í kvöld, á 250 kr á Prikinu þar sem þröngt er í búi hjá mér þessa dagana..dadara... Síðustu tveir dagar hafa farið í trúnó með hinum og þessum vinum mínum. Þar sem ég er nú smá drama drotting og á það til að lifa mig svoldið inn í hlutina er ég búin að vera ein stresshrúga fyrir vini mína og þeirra vandamál, bætir svo sem ekki úr skák að það er allt í hassi hjá mér, en það er nú mikið auðveldara að gleyma sér í vandamálum annarra heldur en að díla við sín eigin, allavega svona fyrir minn part. Ég stefni á að leggja land undir fót á fimmtudaginn í nokkra daga er ég held til Grundarfjarðar í smá vinnu á hóteli þar, spurning hvort marr ílengist þar eða ekki, bærinn kallar rosalega sterkt í mig, það er bara svo gaman að hanga á kaffihúsum og tala um heimsmálin og blikka sætu strákana (sumir sætari en aðrir og fá meira blikk...) og svo svona kannski fá sér einn öl og skot, bara til að krydda tilveruna...þið vitið eflaust öll hvað á við. Heyrðu jú,ég fór til námsráðgjafa í dag (það jók á hækkandi blóðþrýsting) og var að fá upplýsingar um nám næsta haust í sálfræðinni við Háskóla hins merkilega Íslands, ég skal nú samt alveg játa að innst inni vonaði ég að námsráðgjafakonan hefði sagt mér að bíða með námið í nokkur ár og fara bara að ferðast, hún þekkti einmitt fólk sem langaði til Asíu og Ástralíu, en nei allt kom fyrir ekki og hún bara benti mér á fögin sem ég ætti að fara í og hvenær ég ætti að vera búin að sækja um... :( Kannski er bara málið að drífa sig...hver veit,kemur allt í ljós með haustinu....vona ég allavega.
Alveg merkilegt að ég skuli hafa veriðí bænum í allan dag og komist af með að eyða bara 500 kr en í USA gat ég ekki lifað daginn af án þess að eyða 30$, hvernig ætli standi á þessu?
Afhverju eru ekki allir að mótmæla þessari gígantísku bensínhækkunum? Getur einhver sagt mér það? Ég persónulega er í þöglum mótmælaaðgerðum og er búin að vera núna í rúmt ár, ég neita að eiga bíl og kaupa bensín af þessum -ein-okrurum, ég legg til að þið hin gerið slíkt hið sama.
Annað mál á dagskrá, ég er heimilislaus og óska eftir samastað í 101 Rvk, einhver með hugmyndir?
Ég hitti Rósalind vinkonu mína í gær með litla sinn, Ísak Birgir, fæddur 12. apríl síðastliðinn, hann er ekkert smá sætur. Svoldið skrýtið hvað móðurtilfinningin virðist vera eðlislæg, ég allavega vona að hún verði það hjá mér eins og hún er hjá Rósulind, ekkert smá stolt af stelpunni, bara alger hetja fyrir að þora þessu, ég verð að játa eins mikil barnagæla og ég er þá hræðist ég foreldrahlutverkið meira en malaríu og því bóluset ég mig samkvæmt því :)
Ég fór út að borða á Rossopomadoro, ég veit ekki sko. Staðurinn stærir sig af því að vera með kokk frá Feneyjum og þar var mín versta reynsla af mat á allri Ítalíu og svo eru þjónarnir ekkert í neinu sólskinskapi, kannski er ég bara spillt frá Ameríkunni en mér fannst einhvern sjarma vanta. Ég pantaði mér pizzu sem var frekar blaut en ágætlega bragðgóð og pabbi sagði að pastað hefði verið okei, verðlagið var frekar miðlungs myndi ég segja. Ég get ekki beint sagt að ég sé að tapa mér yfir þessum stað en hann var allt í lagi, ég myndi gefa honum annan sjéns.
hmmm....annars er ég nú bara búin að vera að hanga á Prikinu,góður staður það...
ATH ég ítreka þetta með gyllta skóinn minn sem týndist á djamminu á laugardaginn,vinsamlegast látið ganga ef einhver hefur fundið hann, ég er nefnilega með hinn skóinn á móti (ég veit, margir Öskubusku brandarar)!!!
ég hugsa að ég kveðji að sinni
Góða nótt kæru hálsar hvar svo sem þið eruð
punky brewster